2006-9-3 хавицаа

/Дурласан залуудаа өглөө хамгийн түрүүнд мэнд хүргэж, тэр өдөрт нь урам, инээмсэглэл, эрч хүч өгөхийн тулд шөнө бүр ямар нэг зүйл бичиж, мэссэж илгээдэг байж билээ. Энд заримаас нь орууллаа/

х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х

Хорвоо таны төлөө эргэдэгийг анзаарав уу?

Хоёр хөлийн чинь дор элэгддэгийг мэдэв үү?

Бусад хүмүүс ч адилхан гэж та хэлэх үү?

Бишээ, бусад чинь таны газар гишгэдэг юм, мэдэж ав.

х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х

Өглөө нар мандах бүрт

Өөрийн чинь төлөө хэрхэн шатаж байгааг ухаар

Туяа болгоноороо таньд дэм өгөх гэж, тэр

Тусгал болгоноороо таньд боломжийг харуулах гэж нар шатдагийм.

х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х

Зүүдэнд чинь зав байвал тэнд уулзъя

Зүрхэнд чинь зай байвал тэнд хуучиръя

Хүсэлд чинь итгэл бий юу хамт хүрье

Хайранд чинь хүч нэмж цуг асъя

х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х

Дуунд түрлэг нэм улам уянгалана

Дурлалд итгэл нэм хайр асна  

Ажилд урам нэм бахархал болно

Алдвал зүтгэл нэм бүхнийг бүтээнэ

х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х

Өнгөрөн одох цаг бүр чинь

Бахархал төрүүлж

Угтан ирэх өдөр бүхэнд

Мөрөөдөлдөө хүрч

Үүрийн гэгээг баяр баяслаар угт

Үдшийн оддыг амар тайвнаар үд

х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х

Өглөө таных, өөдөөс инээмсэглэ /5сек/

Өдөр дайсных чинь, хүчтэй ухаантай бай /хязгааргүй/

Орой бол шагналынх, өөртөө надад цаг гарга /15 мин/

Үдэш харин амьдралынх, үнэлэлт дүгнэлт гарга /5 мин/

Өөдөөс чинь амжилт инээмсэглэх болно /үүрд/

х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х-х

Үг бүрт минь итгэ, өөрөө л худал хэлээгүй бол

Үнэнч зүрхийг минь номхтого

Онгон омголон яваа юм

Үгэнд минь итгэж, зүрхийг минь атгасан цагт

Өөрөө нэг л мэдэхэд жаргалыг мэдрэх вий

Үнэнч л бол...