Ганцаардуулахгүй

Өглөө энэ тухай нэг найзтайгаа ярилаа. Тэгээд ер нь ээж аавуудад энгийн хэдэн зүйлийг товчхон хэлэх хэрэгтэй гэж санагдлаа. Хүн бол цорын ганц гэж хэлж болох босоогоороо явдаг амьтан. Сээр нуруутай амьтдын дундаас шүү дээ. Гэхдээ ингэж босоо явахын тулд нурууны булчин маш сайн хөгжсөн байх шаардлагатай. Эс бөгөөс түнх, нуруу нугас, мэдрэлийн системд асар хортой гэмтэл учирч болзошгүй байдаг гэнэ. Тэгхээр хүүхдээ тэврэх зэрэг асархад цөөн хэдхэн анхаарах зүйл байна. Хамгийн эхлээд хатуу анхааруулах зүйл бол хүүхдээ өөрөө өндийж суугаагүй байхад нь дэр, дээл зэрэг юмсыг түшүүлэн, ороон суулгаж огт болохгүй. Тэр дэр, дээлэнд дтор хүүхдийн нуруу нумарч, нугарч маш эвгүй байрлалтай болох, нурууны бэхжээгүй мөгөөрс гэмтэх, хэлбэр алдагдах, мэдрэлийн судал дарагдах үгүйдээ л маш их ядарна. Шууд мэдэгдэхгүй ч ирээдүйд нурууны болон элдэв өвчин үүсэх эхлэл болдог бөгөөд яг тухайн үедээ мэдээгүй мөртлөө элдэв асуудал гарчны дараа яагаад ингэв? гэж бодоод бодоод олдоггүй шүү дээ. Хамгийн бага...